Աշխատակազմ

Վանուհին մասնագիտությամբ իրավաբան է։ Մասնագիտական աշխատանքային գործունեությամբ զբաղվել է 2004 թվականից՝ աշխատելով արտադրական և շինարարական խոշոր կազմակերպություններում։ Աշխատանքային փորձի հետ մեկտեղ ձեռք է բերել բանկացելու և վեճերի արդյունավետ լուծման ունակություն, միաժամանակ հմտացել է կորպորատիվ իրավունքի ոլորտում։ 2013 թվականից սկսած նա աշխատանքային գործունեություն է ծավալել նաև հասարակական ոլորտում, նախ աշխատելով իրավապաշտպան ոլորտում՝ Ա.Դ.Սախարովի անվան մարդու իրավունքների պաշտպանության հայկական կենտրոնում որպես Շիրակի տարածաշրջանային մասնաճյուի իրավաբան, այնուհետև տարբեր հասարակական կառույցներում՝ որպես դասընթացավար, հետազոտող, մշտադիտարկման մասնագետ։ Որպես փորձագետ առավել երկարաժամկետ համագործակություն է ունեցել՝ Հայկական Կարիտասի «Էմիլի Արեգակ» բազմակի հաշմանդամություն ունեցող երեխաների եւ երիտասարդների կենտրոնի, Գյումրու «Երիտասարդական նախաձեռնությունների կենտրոն» հասարակական կազմակերպության, «Կոմպասս» գիտահետազոտական, կրթական և խորհրդատվական կենտրոն» հասարակական կազմակերպության, «Խորան Արդ» ինտելեկտուալ կենտրոն հասարակական կազմակերպության, Ջինիշյան հիշատակի հիմնադրամի, «Ալվան ծաղիկ սոցիալ-կրթական կենտրոն» հասարակական կազմակերպության հետ։ Վանուհին նաև մարդկային ռեսուրսների կառավարման մասնագետ է և զբաղվում է կազմակերպությունների հիմնադիր փաստաթղթերի, կանոնակարգերի մշակմամբ։ Ունի ծրագրային և ֆինանսական հաշվետվությունների կազմման փորձ։ 2021 թվականին հիմնել և ղեկավարում է «Իրավունքի անկյուն» խորհրդատվական և կրթական կենտրոնը։ ԲՀՀԻ հիմնադրամում Վանուհին ներգրավված է ծրագրերում որպես ծրագրի ղեկավար, համակարգող, իրավախորհրդատու։